قول لي حاجة /بقلم الشاعر هشام سلطان

قول لي حاجة أي حاجة إروي بالقلب احتياجه هو قلبك لسه قاسي .. و للا ناسي .. و للا حاجة ؟ دا احنا بيننا أحلى حاجة حاجة بتخلي الحياة سكر زيادة حاجة بتخلي الأمل بقلوبنا دايما تحيي بقلوبنا السعادة دلني .. فين السعادة ؟ بين شفايفك .. كلمتين طالبين شفايفي في عيونك نظرة بتقول : انت عارف إن حبك كل يوم بيزيد زيادة بس ليه بنخاف و نهرب بالإرادة ؟ الوفا ف عنيك سعادة الدفا بقلبك سعادة بص في قلبي .. و مد اديك .. وهات عينك في عيني .. و بشفايفك نااااااار .. و من دونها الشهادة آه باحبك كل ماده هو دا القلب اللي باحلم بيه ف حضني هي دي عيونك .. و ليه دايما تاخدني ؟ ياللي بإديك الهنا و العمر .. من غيرك .. بيبقى قهوة سادة و انت سكرها و نارها اللي بتخلي الأماني في زيادة ليه بتبخل ع اللي حبك بالسعادة ؟ دا الهوى مستني يوم يبلغ مراده قول لي حاجة --------- كلمات : هشام سلطان